KARMA DECISION AND RESPONSIBLITY

yah pustak kisi dharm ka pravachan nahin hai, kisi vichardhara ka prachar nahin hai, aur na hi yah safalta ka tvarit sutra deti hai. yah pustak jeevan ko samajhne ki ek imandar koshish hai. jab sadhan hote hain par nirnay nahin hote, jab dosh hote hain par jimmedari nahin hoti, jab hum karm ki baat karte hain par parinaam se darte hain wahin se is pustak ki shuruaat hoti hai. ramayan, mahabharat, samaj, parivar, mata-pita, stri-purush, karm, maryada aur nirnay in sabko lekhak ne kisi katha ki tarah nahin, jeevan ke vyavharik sutron ki tarah dekha hai. - yah pustak aapko yah nahin batayegi ki aapko kya manana chahiye, yah aapko yah sochne par majboor karegi ki aap ab tak kya maante aaye han. yadi aap apni vifaltaon ke liye hamesha kisi aur ko dosh dete aaye hain to yah pustak aapko asahaj karegi. yadi aap apne karm ki jimmedari lene ko taiyar hain to yah pustak aapke liye ek aaina ban sakti hai. kyonki ant men, jeevan mein sabse bada nirnay dosh dena nahin, jimmedari lena hota hai.