Jab woh chala gaya

Yeh upanyaas aaj ke dainik jeevan mein ghatit hone wali ghatnaon ko pradarshit karta hai. Zyadaatar log chamak dhamak waalon ko tarjeeh dete hain. Sach yeh hai ki dikhave ki zindagi se kuch nahi hota hai. Jo sach hai wahi dikhana chahiye. Zindagi mein utaar-chadhaav se tanik bhi bhaybheet nahi hona chahiye. Samay badalta rehta hai, kabhi kisi mod par samay laakar rakh deta hai. Kabhi swapn mein bhi vyakti soch nahi paata jitna chahta hai, usse kahi zyada mil jaata hai. Vyakti ko sada sadabahaar rehna chahiye. Apne kartavya path par aage badhte rehna chahiye. Kaam koi chhota bada nahi hota hai, lekin imaandari se kiya gaya karm vyakti ko manzil tak le jaata hai. Vyakti ke jeevan mein uthalthapthal bana rehna ek sanyog hota hai. Riddhi aur Riya dono ka hi pati Mayank hai. Riya Mayank se pyaar karti hai. Mayank Riddhi se pyaar karta hai. Apne pyaar ko paane mein kaun jeetega, dekhna yeh hai. Bas intezaar hai agle volume ka.